Showing posts with label Agriculture. Show all posts
Showing posts with label Agriculture. Show all posts

Tuesday, May 17, 2011

लाख ऋण बोकेर गाउँमा मोटरवाटो

आश गुरुङ 'प्रतीक'
लमजुङ, पुस १६ गते । लमजुङको तार्कु गाउँ विकास समितिका वासिन्दाले ऋण बोकेरै भएपनि आफ्नो गाउँमा मोटर पुर्‍याएका छन् ।
गाउँवाट सदरमुकाम आउने जानेमा असुविधा भएका कारणले १७ लाख ऋण बोकेर गाउँमा मोटरवाटो पुर्‍याएका हुन् । गाउँमा मोटरवाटो पुगेपछि तार्कु गाविसको गहते गाउँमा आज बुधवार पहिलोपटक मोटर समेत पुगेको छ ।
सदरमुकाम वेसीशहरवाट नगरोन्मुख शहर भोटेओडार, सुन्दरबजार, खत्रीठाँटी हुँदै गहते गाउँमा पुगेको मोटरलाई स्थानीय आमा समूह र युवा क्लब साथै विद्यार्थीहरुले भब्य स्वागत गरेका थिए । गाउँमा मोटर बाटो र मोटर पुगेको खुसीयालीमा स्थानीयवासिन्दाले ल्होसारको अवसर पारेर हिजो र आज गाउँमा नाचगान कार्यक्रमको आयोजना गरेकाछन् । गहतेमा मोटर पुगेपछि त्यस भेगका तार्कु, चिसापानी लगायत ग्रामीण भेगका वासिन्दा प्रत्यक्ष लाभान्वित भएकाछन् ।
मुलकोट ग्रामीण सडक नामाङ्ककरण गरिएको सो सडक गाउँशहरको चिसापानीसम्म जोडिएको छ भने चिसापनीदेखि सदरमुकाम वेसीशहर सम्मको सडक यसअघि नै निर्माण भईसेकेको छ । मुलकोट ग्रामीण सडक निर्माणका लागि ३२ लाख खर्च भएको सडक निर्माण समितिले जनाएको छ । सडक निर्माणका लागि तार्कु गाविसले तीन लाख, माओवादीको सांसद विकास कोषको ७० हजार सहयोग गरेको समितिले जनाएको छ । बाँकी ११ लाख ३० हजार चन्दा उठाएको र १७ लाख ऋण तिर्न बाँकी रहेको सडक निर्माण तथा उपभोक्ता समितिका हस्तबहादुर गुरुङले जानकारी दिनुभएको छ ।

Posted on:December 31, 2008, 5:36 am

Friday, May 13, 2011

देउसी भैलाको रकमबाट एम्बुलेन्स कोष स्थापना

रबिन राउत

कार्तीक २४-भोटेवडार स्थित सामुदायिक सेवा केन्द्रले देउसीभैलोवाट सवा लाख रुपैँया संकलन गरि एम्बुलेन्स कोष स्थापना गरेको छ ।
भोटेओडारस्थितर् इलाका प्रहरी कार्यालयका प्रहरी र स्थानीयवासिन्दाको सक्रियातामा तिहारको अवसरमा देउसीभैलो खेलेर एक लाख ११ हजार रुपैया संकलन गरेको हो ।
नेपाल प्रहरी, आमा समुह, यूवा क्लब र स्थानियवासिन्दाले देउसी भैलो कार्यक्रममा सहभागिता जनाएका थिए । संकलित रकमबाट एम्बुलेन्स संचालन तथा संरक्षण कोषको स्थापना गरिएको सामुदायिक सेवा केन्द्रका अध्यक्ष द्वारिकालाल मिश्रले जानकारी दिनुभएको छ ।
सामुदायिक सेवा केन्द्र भोटेवडारले गत बर्ष देउसीभैलोवाट करिब ११ लाख रुपैँया संकलन गरि एम्बुलेन्स खरिद गरेको थियो ।

Posted on:November 9, 2008, 4:55 am