आश गुरुङ 'प्रतीक'
लमजुङ, मंसिर २८ गते । लमजुङमा स्थापित हिमालचुली कला साहित्य प्रतिष्ठानले बुधवारदेखि गरेको दोश्रो पर्यटन साहित्य यात्रा सम्पन्न गरेको छ ।
सिउरुङ महोत्सव २०६५ को अवसर पारेर लमजुङ सदरमुकाम वेसीशहरको मनाङ्गे चौतारादेखि यात्रा शुरु गरेको हो । पर्यटन साहित्य यात्रा खुदी गाविसको खुदीबजार, ढगैँ, काँडेचौर, हर्सिङ डाँडा, सिउरुङ, थाकनवेसी, भुलभुले हुँदै वेसीशहर आएर शनिवार टुङ्गएिको छ ।
साहित्यको माध्यमबाट पर्यटकीय क्षेत्रहरुको प्रचारप्रसार गर्ने उद्देश्यका साथ हिमालचुली कला साहित्य प्रतिष्ठानले गत जेठबाट पर्यटन साहित्य यात्रा शुरु गरेको हो । दोश्रो पर्यटन साहित्य यात्राका क्रममा प्रतिष्ठानले विभिन्न ठाउँमा गएर कविता, गजल, मुक्तक तथा गीत लेख्ने र सुनाउने कार्य गरिएको प्रतिष्ठानले जनाएको छ । सिउरुङमा पुगेपछि त्यहाँको प्राकृतिक सुन्दरता, हिमाली दृष्यावलोकन, स्थानीय बासीन्दाको हार्दिकता, आत्मीयता र पाहुना सत्कारलाई स्रष्टाहरुले सोही स्थानमा कविता, मुक्तक, गीत तथा गजल रचना गरी सोही मार्फ ब्यक्त गरेको प्रतिष्ठानका अध्यक्ष आनन्द घिमिरेले जानकारी दिनुभएको छ ।
प्राकृतिक सुन्दरताले भरिपूर्ण तथा पर्यटकीय सिउरुङ गाउँलाई मध्यनजर राखि शुरु गरेको यात्रामा ५० भन्दा बढी श्रष्टा तथा अन्य सहभागी थिए । गुरुङ कला र संस्कृतिका धनी गाउँ मध्ये गनिने सिउरुङमा रहेका कलासंस्कृतिलाई सहित्यिक माध्ययमवाट प्रचारप्रसार गर्ने उद्देश्यका साथ दोश्रो पर्यटन साहित्य यात्रा गरेको प्रतिष्ठानका कार्यबहाक सचिब नबीनचन्द्र घिमिरेले जानकारी दिनुभएको छ ।
प्रतिष्ठानले यसअघि ऐतिहासिक तथा पर्यटकीय महत्व बोकेको पुरानोकोटमा पहिलो पर्यटन साहित्य यात्रा गरेको थियो ।
Posted on:December 13, 2008, 9:46 pm
