Showing posts with label Ama Samuha. Show all posts
Showing posts with label Ama Samuha. Show all posts

Friday, May 13, 2011

नाचगान गर्दा आमा समूहलाई दुईलाख सहयोग

रबिन राउत, लमजुङ,

कार्तिक २९ गते - आफ्नो घरमा नाचगान गर्न आउने आमा समुहलाई लमजुङका एक ब्यक्तिले दुईलाख रुपैँया दिएर पठाएकाछन् ।
घनपोखरा गाउँ विकास समिति वडा नं। ९, नाँयू गाउँका शेष घलेले सदरमुकाम वेसीशहरस्थित शान्ति टोल आमा समूहलाई दुईलाख दिएर पठाएका हुन् । रोगगारीको शिलशिलामा अष्ट्रेलियामा रहेका घलेलाई सेलरोटी, रक्सी, फलफूल साथै फूलमालाले स्वागत र सत्कार गरिएको थियो ।
विदेशमा वस्ने जो कोही आफ्नो गाउँघर फर्किएपछि लमजुङका गुरुङ जातिले स्वागत र आशिर्वादाका साथ नाचगान गर्ने चलन छ । सोही अवसरमा आफ्नो गच्छे अनुसार पैसा दिने गरिन्छ । घलेको दान सहयोगले २१ लाखको लगानीमा निर्माणाधिन आमा समूहको भवनलाई थप राहत मिलेको शान्ति टोल आमा समूहकी कोषाध्यक्ष लोकमाया घलेले वताउनुभयो ।