आश गुरुङ 'प्रतीक'
तस्वीर सौजन्यः लमजुङ जिल्ला सामुदायिक अस्पताल 
लमजुङ, जेठ १५ गते - जिल्ला सामुदायिक अस्पताल लमजुङले नागरिकता र परिचयपत्रको आधारमा विरामीलाई निःशुल्क सेवा प्रदान गरेपछि अस्पतालमा विरामीको संख्या हृवात्तै बढेको छ । अस्पतालले जेष्ठ नगरिक तथा दलितलाई नागरिकता, अपंाग, स्वास्थ्य स्वयंसेविकालाई परिचयपत्र साथै गरीब तथा अति बिपन्न परिवारलाई सिफारिसको आधारमा र आमा सुरक्षा कार्यक्रम अन्तरगत अस्पतालले निःशुल्क प्रसुति सेवा प्रदान गरेपछि अस्पतालमा र्सवसाधारण विरामीको संख्या हृवात्तै बढेको हो ।
अस्पतालमा उपचार निःशुल्क हुने थाहपाएपछि अहिले लामो समयदेखि पीडा खेपेर वसेका र्सवसाधारण तथा परिवार परीक्षण तथा उपचारका लागि अस्पताल धाउन थालेकाछन् । अस्पतालका अनुसार दुर्इमहिनायता विरामीको संख्यामा उल्लेख्य बृद्धि भएको छ । पहिले सरदर दुर्इसयको हाराहारीमा विरामी आउने गरेकोमा अहिले दैनिक तीनसयबढी विरामी आउने गरेका अस्पतालका जनसर्म्पर्क अधिकृत दशरथ धितालले जानकारी दिएकाछन् ।
धितालका अनुसार अस्पतालले चैतमा साढे तीनलाख, बैशाखमा चारलाख रुपैँया बराबरको निःशुल्क सेवा दिईसकेको छ । जेठ महिना आधाआधी वित्न लाग्दा तीनलाख खर्च भईसकेको र निःशुल्क स्वास्थ्य सेवाका लागि महिनाभरि पाँचलाखभन्दा बढी खर्च अस्पतालले जनाएको छ । अस्पतालका अनुसार सरकारले जिल्ला अस्पताललाई दिइँदै आएको एकमुष्ठ ११ लाख रुपैँया लमजुङ जिल्ला सामुदायिक अस्पताललाई अपुग भएको छ । आर्थिक वर्षशुरु भएपछिको चार/पाच महिनामा नै सरकारले दिएको रकम सकिएको र अहिले अस्पतालको आन्तरिक कोषवाट र्सवसाधारणलाई निःशुल्क स्वास्थ्य सेवा दिईरहेकोसमेत जनसर्म्पर्क अधिकृत धितालले वताए । सरकारले गत पुस १ गतेवाट र्सवसाधारणलाई निःशुल्क स्वास्थ्य सेवा प्रदान गर्न जिल्ला अस्पताललाई ४२ किसिमका औषधि निःशुल्क उपलब्ध गराउने वताएपनि लमजुङ जिल्ला सामुदायिक अस्पतालले अहिलेसम्म नपाएको अस्पतालका निर्देशक धर्मराज गोसाइँले वताए ।
Posted on:May 28, 2009, 9:26 pm
No comments:
Post a Comment