आश गुरुङ 'प्रतीक'
तस्वीर सौजन्यः लमजुङ जिल्ला सामुदायिक अस्पताल 
लमजुङ, जेठ १३ गते । लमजुङको गिलुङमा संचालित निःशुल्क स्वास्थ्य शिविरवाट त्यस क्षेत्रका छसय ३४ जना विरामीले निःशुल्क परीक्षण तथा उपचार सेवा लिएकाछन् ।
एचडीसीएस लमजुङ जिल्ला सामुदायिक अस्पताल बेशीसहरको आयोजना तथा प्राविधिक सहयोगमा गिलुङस्थित बुद्धोदय उच्च माध्यमिक विद्यालयमा आयोजना गरिएको स्वास्थ्य शिविरमा गिलुङ, करापू, भोँजे, पसगाउँ, मालिङ, तान्द्राङ टक्सार लगायत गाविसका र्सवसाधारणले निःशुल्क स्वास्थ्य सेवा लिएका हुन् ।
शिविरमा लमजुङ जिल्ला सामुदायिक अस्पतालका बरिष्ठ चिकित्सक डाक्टर आशिष श्रेष्ठको नेतृत्वमा १२ सदस्यीय टोलीले सेवा प्रदान गरेका थिए । शिविरमा सामान्य स्वास्थ्य जाँच, आँखा जाँच, महिला रोग सम्बन्धि विभिन्न रोगका जाँच, परिवार नियोजन परामर्श लगायतका सेवाहरु निशुल्क उपलब्ध गराउनुका साथै औषधि पनि वितरण गरिएको थियो । शिविरवाट पाँच महिने वालबच्चादेखि ८३ वषिर्य दलित मन बहादुर परियारले समेत उपचार सेवा प्राप्त गरेका थिए ।
शिविरमा आएका विरामीहरु मध्ये दुर्इसय ३२ जना र्सवसाधारणको आँखा जाँच
भएको थियो । यी मध्ये १४ जनाको मोतियाबिन्दुको अपरेशनका लागि हिमालय आँखा अस्पताल पोखरा पर्ठाईएको लमजुङ जिल्ला सामुदायिक अस्पतालका निर्देशक धर्मराज गोसाइँले जानकारी दिनुभएको छ । उहाँका अनुसार उनीहरुले पनि निःशुल्क अपरेशन सेवा पाउनेछन् । शिविरमा एकसय ७५ जनाले दाँतको परीक्षण गरेका थिए । जसमध्ये ५० जनाको दाँत निकालिएको थियो । यस बाहेक हाईड्रोसिल, हर्निया, थुनेलो र पाएल्स गरि ४ जनाको अपरेशनर्,र् इन्डोसकोपी दुर्इ र भिडियो एक्सरे चार गरि १० जनालाई थप उपचारको लागि लमजुङ जिल्ला सामुदायिक अस्पताल बेशीसहर बोलाईएको अस्पतालले जनाएको छ । शिविरमा लमजुङ जिल्ला सामुदायिक अस्पतालको ७० हजार र जिल्ला जन स्वास्थ्य कार्यालय लमजुङको १५ हजार गरि ८५ हजार रुपैँया बराबरको औषधिहरु निःशुल्क वितरण गरिएको थियो ।
Posted on:May 27, 2009, 8:58 pm
No comments:
Post a Comment