पत्रकार सिंहलाई शहीद घोषणा गर्न माग

आश गुरुङ 'प्रतीक'

लमजुङ, पुस २९ गते ।
अज्ञात समुहद्वारा हत्या गरिएका जनकपुरका पत्रकार उमा सिंहलाई शहीद घोषणा गर्न लमजुङका पत्रकारहरुले माग गरेका छन् ।
नेपाल पत्रकार महासंघ लमजुङ शाखाद्वारा आज मंगलवार आयोजना गरिएको शोकसभामा लमजुङका पत्रकारहरुले यस्तो माग गरेका हुन् ।
लमजुङको सदरमुकाम वेसीशहरको नारायणस्थानमा आयोजना गरिएको शोकसभामा नेपाल पत्रकार महासंघ लमजुङ शाखाका उपाध्यक्ष श्रीकृष्ण लामिछाने, कार्यबहाक सचिब नवीनराज कुइँकेल, साप्ताहिक-पाक्षिक सञ्जालका केन्द्रीय सदस्य कृष्णभगवान श्रेष्ठ, प्रेस चौतारीका अध्यक्षर् इश्वर पाण्डे, क्रान्तिकारी पत्रकार संयोजक वासुदेव थापा, प्रेस युनियनका रामजी राना, महिला पत्रकार कमला केसी लगायतले वोलेका थिए । उनीहरुले पत्रकारहरुको सुरक्षा दिन नसकेकोमा सरकार र गृह प्रशासनको चर्को आलोचना गरेका थिए ।
जनकपुरस्थित रेडियो टुडेका समाचारबाचिका तथा स्वतन्त्र लेखिका समेत रहेकी सिँहको हत्याको विरोधमा लमजुङस्थित संचारकर्मी तथा अधिकारकर्मीहरु प्रर्दशन समेत गरेका थिए ।

तस्वीरमा नेपाल पत्रकार महासंघ लमजुङद्वारा सदरमुकाम वेसीशहरमा आयोजना गरेको शोकसभामा पत्रकार उमा सिंहको तस्वीरमा माल्यार्पण गर्दै एक पत्रकार ।
तस्वीरः आश गुरुङ 'प्रतीक'

Posted on:January 13, 2009, 4:36 am