आश गुरुङ,
लमजुङ, असार १२ गते । बहुमुल्य जडिवुटी यार्सर्ााम्बा खरिदका लागि हिमालपारीको जिल्ला मनाङ पुगेका एक ठेकेदारको ४ लाख ५० हजार रुपैँया नगद चोरी भएको छ । मनाङ सदरमुकाम चामे गाउँ विकास समिति वडा नम्बर ४ तिमाङमा रहेको प्रशान्त होटल एण्ड लजमा वास वस्न पुगेका गोरखा जिल्ला लाप्राक घर भएका धनबहादुर गुरुङको रकम चोरी भएको हो ।आफ्नो साथमा रहेको रकमलाई कोठामा राखेर खाना खान गएको बेलामा कोठाको सिसा फोरेर आफ्नो रकम चोरले लगेको पीडित गुरुङले वताए । घटना गत बिहिवारको भएपनि उनले आईतवारमात्रै संचारकर्मीमालाई घटनावारे जानकारी गराएका हुन् ।
घटनावारे अनुसन्धान भईरहेको जिल्ला प्रहरी कार्यालय मनाङले जनाएको छ ।
Posted on:June 28, 2011, 1:27 am
No comments:
Post a Comment