Saturday, June 25, 2011

लमजुङको घनपोखरामा पहिलोपटक मोटर पुग्यो

आश गुरुङ 'प्रतीक', lamjungnews@gmail.com
लमजुङ, फागुन ५ गते ।
गुरुङ जातिको उद्गमस्थल लमजुङको घनपोखरामा पहिलोपटक मोटर पुगेको छ ।
सदरमुकाम वेसीशहरदेखि उत्तरी लमजुङको खुदी, सिम्पानी, भाचे, नाँयू हुँदै घनपोखरा गाउँमा मोटर पुगेको हो ।
झण्डै २० किलोमीटरको सो सडक खण्डमा यसअघि खुदीको झण्डै साढे ७ किलोमीटरसम्म मोटर गुडेको थियो ।

गाउँमा पहिलोपटक पुगेको मिनिवसलाई स्थानीय तमू जनजागृति आमा समूहको सक्रियतामा स्थानीयवासिन्दाले भब्य स्वागत र अविरजात्रा गरेकाछन् । गाउँमा मोटर पुगेको खुसीयालीमा स्थानीयवासिन्दाले भोजभतेर गरेर नाचगान गरि खुसीयाली मनाएका खुदी-सिम्पानी-घनपोखरा मोटरवाटो निर्माण तथा उपभोक्ता समितिका सचिव कृष्ण विकले जानकारी दिनुभयो ।

स्थानीयवासिन्दाको श्रमदान, घनपोखरा गाविस, सडक विभाग, जिविस लमजुङ लगायत संघसंस्थाको सहयोगमा मोटरवाटो निर्माण गरिएको घनपोखरा गाविसका सचिव परमानन्द लम्सालले जानकारी दिनुभयो ।

घनपोखरा सम्म मोटर पुगेपछि त्यस क्षेत्रका घनपोखरा, भुजुङ, नाँयू, सिम्पानी लगायत गाउँका वासिन्दा प्रत्यक्ष लाभान्वित भएकाछन् ।





Posted on:February 25, 2011, 10:47 pm

1 comment:

  1. It is a very good news to all Ghanpokhara Basi and its neibouring villages.i would like to thanks to those who has given their pricious time and effort for this special and important job.However,something is better then nothing,but for your own health and safety it is every individule responsibilities should take care when traveling through this newly constructed unsafe road.No body knows be acpect any time any thing can be happend.Be take extra care,enjoyable and every body go back safe home.God bless to you all.Taraman Gurung.(UK)

    ReplyDelete