Friday, May 13, 2011

वेसीशहर-स्याँगे यातायात संचालन

रबिन राउत, लमजुङ,

कार्तिक २९ गते - लमजुङ सदरमुकाम वेसीशहरदेखि उत्तरी लमजुङको स्याँगेसम्मको यातायात पाँचमहिनापछि संचालनमा आएको छ ।
वेसीशहर-चामे सडक खण्ड अन्तर्गत पर्ने सो सडक खण्ड अविरल वर्षाका कारण ठाउँठाउँमा बाढीपहिरो भएपछि जेठ महिनाको अन्तिम सातादेखि अवरुद्ध भएको थियो । वेसीशहर-चामे सडकको निर्माण जिम्मा लिँदै आएको नेपाली सेनाले बाटो मर्मत गरेपछि यातायात संचालनमा आएको हो । यसअघि वेसीशहरदेखि भुलभुलेसम्मको सडक खण्डमा मात्रै यातायात संचालन हुँदै आएको थियो ।
वेसीशहरदेखि स्याँगेसम्मको करीब २७ किलोमीटर सडकमा यातायात संचालन भएपछि अन्नपूर्ण पदयात्राका लागि छोटो सयम लिएर आउने पर्यटकलाई फाईदा पुगेको छ । त्यस्तै, हिमालपारिको जिल्ला मनाङ र उत्तरी लमजुङका आधादर्जनभन्दा बढी गाउँ विकास समितिका वासिन्दा प्रत्यक्ष लाभान्वित भएकाछन् ।
यातायात संचालनमा आएपछि मनाङ र उत्तरी लमजुङमा सहज तरिकाले खाद्यान्न ढुवानी समेत हुन थालेको छ ।


Posted on:2008-11-15 07:26:53

No comments:

Post a Comment