आश गुरुङ 'प्रतीक'
लमजुङ, मंसिर ५ गते । बीसौँ अन्तराटि्रय बाल अधिकार दिवसको अवसर पारेर लमजुङमा आयोजना गरिएको एक कार्यक्रममा जिल्लाका क्रियाशील पत्रकारहरुलाई मायाको चिनो प्रदान गरिएको छ ।
जिल्ला विकास समितिको सभागृहमा आयोजना गरिएको जिल्ला बाल क्लब भेलामा वालवालिका संवन्धि लेख रचना साथै समाचारलाई आ-आफ्नो संचारमाध्ययममा प्राथामिकताका साथ प्रशारण/प्रकाशन गरेको भन्दै पत्रकारहरुलाई मायाको चिनो प्रदान गरिएको हो ।
कार्यक्रममा जिल्ला न्यायधिक अच्युतप्रसाद भण्डारी र प्रमुख जिल्ला अधिकारी विष्णु प्रसाद पोखरेलले पत्रकारहरुलाई डायरी र कलम प्रदान गर्नुभएको थियो ।
'हामी सवैको सरोकार, नयाँ संविधानमा सुनिश्चित वाल अधिकार' भन्ने मुल नाराका साथ आयोजना गरिएको दर्ुइदिने वाल भेलामा लमजुङ जिल्लाका ६१ गाविसमध्ये ४६ गाविसका एकसय ५० भन्दा बालवालिकाहरु सहभागी भएकाछन् । त्यस्तै गोरखा, तनहुँ, कास्की र स्याङ्जा जिल्लाबाट जिल्ला बाल क्लब संजालका प्रतिनिधि पर्यवेक्षकको उपस्थिति छ । जिल्ला बाल क्लब संजाल र जिल्ला बाल कल्याण समितिको आयोजना भएको भेलाले नयाँ कार्यसमिति चयन गरिने जिल्ला बालक्लब संजालका अध्यक्ष आशबहादुर गुरुङले जानकारी दिनुभयो ।
भेलाको उद्घाटनको अवसरमा मन्तव्य ब्यक्त गर्दै जिल्ला न्यायधिश अच्युतप्रसाद भण्डारीले लाखौँ बालबालिका विद्यालय जानबाट बञ्चित भएका, बाषिर्क करोडौँ बालबालिका सामान्य रोगबाट पनि मृत्यु भएका र आफ्ना हक अधिकारवाट कुण्ठित भएकाले उनीहरुको आवाजलाई नयाँ संविधानमा समेट्नुपर्ने धारणा ब्यक्त गर्नुभयो । कार्यक्रममा एकीकृत माओवादीका राजु थापा, नेपाली कांग्रेसका गणेशप्रसाद नेउपाने, नेकपा एमालेका गुमानसिंह अर्याल लागयतले बालबालिकाका प्रमुख समस्या स्वास्थ्य, शिक्षा, एचआइभी एड्स र उनीहरु प्रतिको दुरव्यवहार साथै बाल श्रम अहिले पनि ज्युँका त्यू भएकोले यी समस्या समाधानका लागि सरकार एव बालबालिकाको क्षेत्रमा काम गर्ने संघ संस्थाहरुले विषेश ध्यान दिनुपर्नेमा जोड दिएका थिए । बाल श्रम शोषण अझैपनि ज्यु अझै पनि ज्यूकात्यू रहेकोले सवै सचेत हुनुपर्ने बताउनुभएको थियो । कार्यक्रममा चेलीबेटी बेचविखन, एचआईभी एड्स, छुतअछुत तथा दुर्व्यावहार सम्बन्धि जनचेतना मुलक वालनाटक, बालगीत र नृत्यहरु समेत प्रस्तुत गरिएको जिल्ला बाल कल्याण समितिका बाल अधिकार अधिकृत नवीनचन्द्र घिमिरेले जानकारी दिनुभयो ।
Posted on:November 20, 2009, 8:59 am
No comments:
Post a Comment