आश गुरुङ 'प्रतीक'
लमजुङ, असोज २६ गते । देशभरका गुरुङहरु यतिवेला उद्गमस्थल लमजुङमा भेला भएकाछन् । करीब ५९ वर्षछि लमजुङमा भेट्न पाउँदा उनीहरुमा छुट्टै रौनक छ ।
गुरुङ जातिको बाहुल्यता भएको लमजुङमा देशभरका गुरुङ विज्ञ तथा युवायुवतीहरु एकैठाउँमा जम्मा भएपछि वेसीशहरको मुहार नै फेरिएको छ ।
तीनदिनसम्म संचालन हुने गुरुङहरुको सर्वोच्च निकाय 'नालसभा' कार्यक्रममा भाग लिन देशभरका गुरुङहरु लमजुङ आएका हुन् । एउटै थलोमा बसेर देशभरका गुरुङहरुले आफ्नो परम्परा अनुरुपको रीतिथिति निर्माण, धर्मसंस्कृति बचाउ, आफ्नो गाउँमा कानुन, साथै नयाँ बन्ने संविधानमा गुरुङहरुको रायसुझाव संकलन साथै निर्माण गरेकाछन् ।
तमु हृयुल छोँज धिँ गुरुङ राष्ट्रिय परिषद्, नालसभा मुल आयोजक समितिले आयोजना गरेको 'नाल सभामा' भाग लिन लमजुङ भित्रका दशथर, नौथर, चौथर, बाह्रथर, पाँचगाउँ लगायत आठ, कास्कीका छगाउँ र देशभर छरिएर रहेका गुरुङहरु सहभागी छन । मंगलबार सम्म जारी रहने 'नालसभा' ले नयाँ बन्ने संविधानमा गुरुङहरुको हक, अधिकार र पहिचान सम्बन्धी महत्वपूर्ण सुझाव दिने छ । छलफलका लागि प्राध्यपक तथार् इतिहासकार डाक्टर जगमान गुरुङ र गुरुङ पुरोहित पैँडी इन्द्रबहादुर गुरुङले तयार गरेको प्रस्तावित कानून पेश गरिएको छ ।
तमु हृयुल छोँज धिँ गुरुङ राष्ट्रिय परिषद्का केन्द्रीय अध्यक्ष गणेशमान गुरुङले उद्घाटन गर्नुभएको कार्यक्रममा गुरुङहरु दलीय राजनीतिवाट माथि उठ्न सकेमा मात्र हक र अधिकारको शुनिश्चिता गर्नसक्ने वताएकाछन् । नाल सभा आयोजक समितिका संयोजक प्रेम घलेको अध्यक्षतामा भईरहेको कार्यक्रममा पर्ूवमन्त्री पृथ्वी सुब्बा गुरुङ, सभासदहरु बुद्धिराम तमु, राजकाजी तमु, अमर तमु, नेपाल आदिवासी जनजाति महासंघका अध्यक्ष पासाङ शर्ेपा, पर्ूव प्रहरी महानिरीक्षक हेम बहादुर गुरुङ, पूर्व राज्यमन्त्री रामबहादुर गुरुङ लगायत देशैभरका गुरुङहरु सहभागिछन् । २००७ साल यता गुरुङहरुको 'नालसभा' हुन सकेको थिएन । पहिलो शाहबंशीय राजा यशोब्रम्ह शाहको पालासम्म हरेक वर्षचार नालको सभा गरिँदै आएको र विस्तारै नौ नालको सभा गरिँदै आईरहेको वेला २००७ सालमा भएको क्रान्तिको नाउँमा सबै नालसभा खारेज गरिएकाले आफ्नो हक र अधिकार खोसिएको ठहर गर्दै नालसभा आयोजना गर्न लागिएको आयोजक समितिका संयोजक प्रेम घलेले जानकारी दिए ।
गुरुङ पैँडी एवं इतिहासकार इन्द्रबहादुर गुरुङका अनुसार कास्की र लमजुङका गुरुङहरुले वि.सं. १५५० अगाडिदेखि आफ्नो छुट्टै सभा बसेर नीतिनियमको निमार्ण गर्दै आएका थिए । १५५० सालतिर क्रब -मुखिया), वि.सं.१८८४ सालदेखि अलामी र वि.सं २००८ साल देखि यता द्धारे बसेर गुरुङहरुको सामाजिक कामकाज, धर्मसंस्कृति, रीतिरिवाज, नियमकानुन बनाउनुका साथै सरकारी कामकारबाहीको एकरुपताले पालना गर्दै आएका छन ।
Posted on:October 12, 2009, 6:37 pm
No comments:
Post a Comment