आश गुरुङ 'प्रतीक',lamjungnews@gmail.com
लमजुङ, असार २२ गते । लमजुङको गाउँशहर गाउँ विकास समिति वाड नम्बर ३ स्थित साउने खोलामा गएराती बाढीपहिरो हुँदा तीसलाख बढीको क्षति भएको छ ।
अविरल बषर्ासंगै खोलामा आएको बाढी बस्तीमा पस्दा आधा दर्जन बढी घर, पसल, बिद्यालय र बेसीशहर-डुम्रे सडकको रानीकुवा सडक खण्डमा क्षति पुग्दा तीसलाख ५० हजार ७ सय ५२ रुपैया बढीको क्षति पुगेको प्रहरीले जनाएको छ ।
गएरातीबाट लगातार परेको बषर्ाले साउने खोलाको बाढी बस्तीमा पस्दा गाउँशहर गाउँ विकास समिति वडा नम्बर-३ रानीकुवाका बुद्धि बहादुर अधिकारीको घर, शौचालय र जग्गामा क्षति पुर्याउँदा १५ लाख, डिल्लीराज घिमिरेको ४ लाख र सुमन अघिकारीको २ लाख लगायत अन्य भाडामा पसल संचालन गर्दे आएकाहरुको समेत गरि क्षति पुर्याएको हो ।
बाढीका कारण पुरै बस्ती, बिद्यालय, पसल अस्तव्यस्त हुनुको साथै बेसीशहर-डुम्रे सडकको रानीकुवा खण्डमा सडक अबरुद्ध भएपछि नेपाली सेनाको रणबम गण, जिल्ला प्रहरी कार्यालय लमजुङ र बेसीशहर-चामे सडक निर्माण कार्यगणको सयुक्त प्रयासमा पहिरो पन्र्छाईएको हो ।
सडकको पहिरो हटाएर विहान देखी अबरुद्ध भएको सडकमा दिउँसोदेखि यातायात संचालनमा आएको छ ।
तस्वीर सौजन्य नवीनराज कुइँकेल, लमजुङ
Army clearing the road
Nepal Army helping the public
The people collecting their belongings
Posted on:July 6, 2010, 11:04 pm
No comments:
Post a Comment