विदाइमा कण्डम उपहार !

आश गुरुङ 'प्रतीक'

लमजुङ साथीभाइको विदाईमा तपाइँ के उपहार दिनुहुन्छ - तयारी गिफ्ट, कलम डायरी, हस्तकलाका सामान, लत्ताकपडा वा अरु केही - आफ्नो सम्झना चीरस्थायी बनाउन तपाइँ नयाँ तथा महंगा सामाग्री दिनुहुन्छ पक्कैपनि ।

तर, लमजुङमा एक जनाले आफ्नो साथीको विदाइका बेला नौलो उपहार दिएकाछन्, कण्डम । प्रसंग वर्ल्ड भीजनर् इन्टरनेश्नल नेपाल, लमजुङ क्षेत्र विकास कार्याक्रम लमजुङका टिम लिडरको विदाइ कार्यक्रमको हो ।

लामो समय सम्म लमजुङ बसेर काम गर्दै आएका टिम लिडर सुरेन्द्रबावु ढकालको विदाइमा आउने अन्य साथीहरुले कलम डायरी, किताब, त कसैले हस्तबुनाईका स्थानीय सामाग्री, प्राकृतिक दृश्यका तस्विर उपहार दिए । उपहार दिनेको भीडमा उनका साथी प्रेम भट्टर्राईले उपहार स्वरुप ३ प्याकेट कण्डम थमाउँदा ढकाल आश्चार्यचकित भए, कार्यक्रममा हाँसको फोहोरा छुट्यो ।

लमजुङमा एचआइभी एड्सको क्षेत्रमा काम गर्दै आएको ग्रामीण सामुदायिक विकास केन्द्र -आरसीडीसी) का कार्यक्रम संयोजक भट्टर्राईले एड्सको क्षेत्रमा सचेतना जगाउन सन्देश जाओस् भन्ने उद्देश्यले यस्तो उपहार दिएको प्रतिकृया दिए । 'एचआइभी एड्सले विकराल रुप लिएकाले सचेत ब्यक्तिहरुबाटै सचेतना जगाउन कण्डम उहार दिएँ', भट्टराइले भने, 'अरु कृयाकलापसँगै यौनजीवन पनि सुखद राख्दै यौनरोग र गर्भनिरोधका लागि कण्डमको प्रयोग बढाउन यस्तो उपहारको सुरुवात गरेको हो ।'

कार्यक्रममा हल्का लाज र बढी हासीमजाक गरेकाहरु उपहार प्रदानपछि निकै भावुक र सम्बेदनशीले देखिन्थे । उपहार प्राप्त गर्ने सुरेन्द्रबाबु ढकालले निर्धक्कका साथ कण्डमलाई उपहारको प्रचलनमा ल्याउनुपर्ने प्रतिक्रिया दिए । 'कण्डम प्रयोगविनाको यौनबाट एचआइभी एड्सका साथै विभिन्न रोगको संक्रमण बढेको छ', ढकालले भने, 'सचेत तरिकाबाट यौन सर्म्पर्क गराउन कण्डम सचेतना अहिलेको आवश्यक हो ।' कण्डमको र्सवसुलभ र यौन सचेतना बढाउन ग्रामीण सामुदायिक विकास केन्द्रले एक वर्षेखि प्रत्येक होटलहरुमा कण्डम बाकस समेत राखेको छ । ग्लोबल फण्टको सहयोगमा एड्स रोकथाम तथा न्युनिकरणको विभिन्न सचेतनाका कार्यक्रमहरु संचालन भएपनि त्यो प्रभावकारी नभएको गुनासो पनि समाजमा छ । 'एड्सको नाममा हल्लाखल्ला मात्रै बढी हुन्छ, लक्षितवर्ग सम्म कार्यक्रम नै पुग्दैन', लमजुङ जिल्लामा पहिलोपटक र्सार्वजनिक भएका एचआइभी संक्रमित साधुराम पण्डितले गुनासो गरे ।

लमजुङमा पछिल्लो तथ्याङ्क अनुसार जिल्ला एड्स समन्वय समितिका अनुसार लमजुङमा एचआईभी संक्रमितको संख्या १ सय १२ पुगेको छ । तर यस बाहेक राष्ट्रिय एचआइभी तथा एड्स महासंघ लमजुङमा छुट्टै २० जना आबद्ध भएको महासंघले जनाएको छ । जिल्लामा एड्स रोगबाट मर्नेको सँख्या एक दर्जन जति भएपनि रर्ेकर्डमा भने ४ जना मात्र राखिएको पाईन्छ । जिल्ला जनस्वास्थ्य कार्यालय लमजुङ र लमजुङ जिल्ला सामुदायिक अस्पतालको पहलमा एचआईभी संक्रमितहरुको तथ्याङ्क निकालिएको हो । लमजुङमा एचआईभी संक्रमितहरुको अवस्था विकराल वन्दै गएपछि संवन्धित संघसंस्थाले आफ्नो ध्यानाकर्षा गरेका छन् । लमजुङमा तीन स्थानमा स्वेच्छिक परामर्श तथा परिक्षण केन्द्र र तीन ठाउँमा एचआइभी सुचना केन्द्र स्थापना गरिएको छ । स्वेच्छिक परामर्श तथा परिक्षण केन्द्र लमजुङ समुदायिक अस्पताल बेसीसहर, भोटेवडार र खुदीमा राखिएको छ, भने एचआइभी सुचना केन्द्र बेसीसहर, चिती र भोर्लेटारमा राखिएको छ । त्यहाँबाट परामर्श, परिक्षण र सचेतनाका काम गरिरहेको जिल्ला एड्स समन्वय समितिका कार्यक्रम संयोजक विष्णु बहादुर थापाले बताए ।

यसैबीच संक्रमितको क्षेत्रमा काम गर्ने उद्देश्यले स्थापना भएको लमजुङ सहयोगी समूहले पनि राष्ट्रिय एचआइभी तथा एड्स महासंघसँग समन्वय गरेर जिल्लामा सचेतना, परामर्श र संक्रममित तथा उसको परिवारलाई सहयोग कार्यक्रम सञ्चालन गरिरहेको छ ।

Posted on:March 3, 2010, 1:10 am